Muhabbat Aakhrish Hai Kia - Wasi Shah

Mein Shayar Hun To Aksar Log Mujhse Pochte Hain

Is Haseen Israar K Baare Mein

Batayen To Bhala Kya Hai

Muhabbat Aakhrish Hai Kya

Wasi Mein Hans K Kehta Hun

Kisi Pyasay Ko Apne Hissay Ka Paani Pilana Bhi Mohabbat Hai

Bhanwar Mein Doobte Ko Sahilon Tak Le K Jana Bhi Muhabbat Hai

Kisi K Waastay Nan'ni Si Qurbani Mohabbat Hai

Kahin Hum Raaz Saare Khol Sakte Hon

Magar Phir Bhi Kisi Ki Be-Basi Ko Dekh Kar

Khamosh Reh Jana Mohabbat Hai

Ho Dil Mein Dard Veerani Magar Phir Bhi

Kisi K Waastay Jabrun He Honton Pe Hansi Laana

Zabardasti Hi Muskana Muhabbat Hai

Kahin Barish Mein Sehmay Bheegte Billi K Bachay Ko

Zara Si Dair Ko Ghar Le K Aana Bhi Mohabbat Hai

Koi Chirya Jo Kamray Mein Bhatakti Aan Nikli Ho

To Us Chirya Ko Pankhay Bandh Kar K

Raasta Bahir Ka Dikhlana Muhabbat Hai

Kisi K Zakhm Sehlana

Kisi Rotay Huay K Dil Ko Behlana Mohabbat Hai

K Meetha Bol Meethi Baat Meethay Lafz

Sab Kya Hai Muhabbat Hai

Mohabbat Ek Hi Bas Ek Hi Insaan Ki Khatir Magan Rehna

Hama Waqt Uski Baaton Khushbuon Mein Dolna Kab Hai

Mohabbat Uski Zulf K Bul Kholna Kab Hai

Mohabbat K Hazaaron Rang Laakhon Istaaray Hain

Kisi Bhi Rang Mein Ho Ye Mujhe Apna Banatay Hain

Ye Mere Dil Ko Bhaatay Hain Ye Mere Dil Ko Bhaatay Hain

میں شاعر ہوں تو اکثر لوگ مجھ سے پوچھتے ہیں
اس حسین اسرار کے بارے میں
بتائیں تو بھلا کیا ہے
محبت آخرش ہے کیا
وصی میں ہنس کے کہتا ہوں
کسی پیاسے کو اپنے حصے کا پانی پلانا بھی محبت ہے
بھنور میں ڈوبتے کو ساحلوں تک لے کے جانا بھی محبت ہے
کسی کے واسطے ننھی سی قربانی محبت ہے
کہیں ہم راز سارے کھول سکتے ہوں
مگر پھر بھی کسی کی بے بسی کو دیکھ کر
خاموش رہ جانا محبت ہے
ہو دل میں درد، ویرانی مگر پھر بھی
کسی کے واسطے جبراً ہی ہونٹوں پہ ہنسی لانا
زبردستی ہی مُسکانا محبت ہے
کہیں بارش میں سہمے بھیگتے بلی کے بچے کو
ذرا سی دیر کو گھر لے کے آنا بھی محبت ہے
کوئی چڑیا جو کمرے میں بھٹکتی آن نکلی ہو
تو اس چڑیا کو پنکھے بند کر کے
راستہ باہر کا دکھلانا محبت ہے
کسی کے زخم سہلانا
کسی روتے ہوئے کے دل کو بہلانامحبت ہے
کہ میٹھے بول، میٹھی بات، میٹھے لفظ سب کیا ہے؟
محبت ہے!
محبت ایک ہی بس ایک ہی انسان کی خاطر مگن رہنا
ہمہ وقت اس کی باتوں، خوشبوؤں میں ڈولنا کب ہے
محبت اس کی زلف کے بل کھولنا کب ہے
محبت کے ہزاروں رنگ ، لاکھوں استعارے ہیں
کسی بھی رنگ میں ہوں یہ مجھے اپنا بناتے ہیں
یہ میرے دل کو بھاتے ہیں یہ میرے دل کو بھاتے ہیں